ايه مصلحتنا ندخل في حرب مع اسرئيل دلوقتي؟هل اقتصادنا مستحمل؟هل امننا الداخلي قوي اصلا؟مش شايفيين ان اللي عايزنا نحارب اسرائيل دلوقتي بيضرنا؟
انا متأكد ان اسرائيل نفسها نديها مبرر غبي تضربنا بيه لأن ده افضل وقت تنتصر علينا فيه!اللي بيقولك نزحف عليهم لايمكن قلبه علي مصر ده تفكير شيطاني
ان اللعب علي اندفاع وحماس الشباب بدعوي تحرير فلسطين الان هو بثابة انتحارجماعي محرم شرعا.صبرنا سنين نصبر كمان سنتين عشان نبقي مستعدين نضغط عليهم
لازم نفهم ونتأكد ان مصر قوية حرة تقدر تحرر فلسطين وغيرها لكن دلوقتي في ناس بتلعب بالنار ومش مقدرة خطورة التصعيد.بجد هيبقي في مجاعة لو جرونا لمواجهة دلوقتي
وللاسف في جهات معينة في مصر بتستغل حماس الشباب المصري وعايزة حرب وخلاص ولازم نفتكر تغلغل حركة حماس وفكرها في بعض الجماعات في مصر
وطبعا في ناس هتتهمني بخيانة القضية الفلسطينية وردي للاسف انه نفسي يبقي عندنا ربع ذكاء اليهود...اوعي تدي فرصة لعدوك يجرك لصدام مباشر مبكر غير مخطط له يهزمك فيه شر هزيمة!!
رهاني الوحيد علي ذكاء المجلس العسكري مقابل غبائه داخليا في سن بعض قوانينه وردود افعاله دلوقتي لان الناس اللي بتهيج الشباب لوقفات طائشة لازم توقف عند حدهاوبرضه فتشوا عن حماس وعن اصدقاء حماس في مصر
فكروا كده معايا؟ ماهي افضل طريقة لتدمير اقوي واخطر بلدعلي الكيان الصهيوني والهيمنة الامريكية في المنطقة العربية ؟
بالتأكيد هي جرها لحرب ضروس يدمر فيها اقتصادها ويجوع شعبها
مصر بعد الثورة خطر داهم حقيقي علي اسرئيل والغباء كل الغباء هو ان نتصور ان اسرئيل ستكتفي فقط بتصريحات غاضبة ومستنكرة او ان امريكا ستقف موقف المتفرج بعد تاكدها من ارادة الشعب المصري لمستقبل حر وندية معها ومع اسرئيل
اذا كنت تريد ان تدعم فلسطين فلتدعم وحدتها فقد كانت المصالحة بمثاية صفعة علي قفا نتنياهو ومؤخرة هيلاري كلينتون
اما الكلام عن (الزحف)علي القدس فهو قلة ادب وغباء وشغل عيال مع ان الفكرة تعجبني وتغازل خيالي الثوري الا انها تفتقر الي اهم عامل وسر نجاح ثورتنا وهو عامل المفجأة!
لم تتوقع اسرئيل ولا امريكا خلع الطاغية لاننا ببساطة لم نعلنها ولم نتوقعها
مالعيب في الانتظار حتي تسترد مصر عافيتها وتتحول الي عملاق المنطقة من جديد وحينئذ من الممكن تحرير القدس بدون رصاصة واحدة! فقط بالتهديد والتلويح نعم بمجرد الكلام من كيان قوي فعلا
لا اشكك في صدق نوايا المحتجين وشباب المتظاهرين فهم من اعطاني صوتا وحرية ودماء ذويهم هي السبب في مقدرتي علي التعبير عن نفسي الان ولكني اكره شخص لا يحب بلده لا يحب مصر ولا يضع مصلحتها واستقرار ارضها فوق اي شئ
بعض المحرضين يكرهون مصر ويريدون هلاكها بدعوي الفروسية!
الزحف علي القدس الان حق يراد به باطل
وبصراحة مش عارف هتزحفوا فين ولا فين عالكنيسة ولا اسرائيل ولا علي اقسام الشرطة
ويارب الناس تفهم مين بيحبها وعايز مصلحتها ومين بيشتغلها باسم الوطنية والدين
مش نزحف علي الحرية في الداخل قبل مانزحف علي بطوننا في الخارج؟؟؟
خلاص شايفيين الثورة خلصت؟مصر بقت افضل؟الامن رجع؟الاقتصاد انتعش؟الحريات بقت كاملة؟الدستور فل؟
لو كده قشطة انا معاكو
فركش
كلام جميل و واقعي للأسف نحن العرب تعودنا أن نجعل العواطف تحركنا و تفكر عنا و ما تعتقد أن اليهود أذكيا بس همه بستغلو سذاجتنا بس مقالة حلوة تحية من القدس
ردحذف